Saqisumik pissarsiorpugut
Ilulissani neriniartarfitsinni saqisumik kiinnillaqqissumik suleqatikkuminartumillu suleqatissarsiorpugut
Neriniartarfimmi sulinermik misilittangaqarpit? Nuannersumik suleqatinnut sullitanullu misigititserusuttarpit? Piareersimavit, misilittakkavit ineriartortinnissaanut, immikkut ataatsimulluunniit. Taava TAKUUK!
Neriniartarfipput orningarneqarluartartoq Ilulissani inissisimavoq, hoteli 46-nik initalik, qeqertarsuup iluliarsuillu tungaanut isikkivilik. Hoteli tamarmi 2022-2023-mi nutarterneqarpoq, taamaalilluni unnuisarfiit neriniartarfillu kusanarluinnarlutik nutarpasipput. Saqisutut sulinermi pingaaruteqarpoq neriartornut nuannersumik misigititsinissaq, sullilluarnissarlu. Ullaakkorsiortitsinermi, ullup qeqqasiortitsinermi imaluunniit ineqartut misigisassarioreerlutik uternerminni unnukkorsiorianut nuannersumik unnussiuaartitsisinnaanissaq. Neriniartarfimmi nunatta pissarititai sassaalliutiginissai pingaartitaraarput. Neriniartarfik angerlarsimaffippalaartutut ingerlapparput. Saqisullu suliassaasa ilagivaat nerisassat saqqummiunnissaat, neriartortunullu nerisassanik imingassanillu tulluuttunik siunnersuisinnaanissaq, nuannersumik eqqissisimasumillu misigititsisinnaanissaq, ilorrisimaartitsisinnaanissarlu. Neriniartarfitsinnukartartut takornariaasinnaapput nunarsuatsinniit, suliartorlutik angalasut, illoqarfimmiluunniit najungaqartuusinnaallutik.
Sulileruit ilannguffigissuatit, suleqatigiit inuusuttut qiimasut, immikkoortortaqarfinniit arlariinniit suleqatigiilluartut. Naatsorsuutingaarput tapersersoqatigiinnissaq, nutaanik ilikkangaqarusussuseqarneq ikioqatigiissinnaaneq, taamaalilluta ataatsimut ineriartoqatigiissinnaaneruniassangatta.
Neriniartarfiup hotelillu saniatigut misigisassarsiortitsisarpugut, umiatsiamik angallassinerit, pisuttuartitsinerit, qajariartortitsinerit allallu nuannersut, tamakkulu sulinngiffinni peqataaffigisinnaasatit.
Tunniussinnaasagut:
- Suliffeqarfik peqqinnartoq,
- Neriniartarfimmi sulinermi pisinnaasatit ineriartortinnissaanut periffissiineq.
- Qaammammut annikittumik akiliilluni suliffeqarfimmiit ineqartinaaneq
- Illoqarfigisanniit ilulissanut billet
- Ilulissani sulineq, misigisassallu nuannersut
Ilinniit naatsorsuutigut:
- Positiviuneq, suliffimmut tunniusimaneq
- Sullissilluarusussuseqarneq, neriartortunullu nuannersumik misigisaqartitsisinnaaneq
- Sullissinermik misilittangaqarneq nuannarisaqarnerlu
Paasissutissat
Sulilernissamut piffissarititaasoq: Junip aallaqqaataata 15-iatalu akornanni
Sulinerup minnerpaamik sivisussusaa: qaammatit sisamat. Sivisunermillu sulisinnaangaanni toqqarneqarnissamut periarfissaq annertuneruvoq.
Qinnuteqarnissamut piffissaq kingulleq: Martsip 25-iat 2024, oqaloqatiginninnerit aprilip aallartinnerani pissapput.
E-mail nassiussiffissaq: job@aac.gl (qulequtaralungu: ”ILU – TJENER”), aamma apeqqutissaqaraanni tassunga e-mailimut nassiussisoqarsinnaavoq. E-mailimut allamut nassiussat akineqassanngillat.
Neriuppugut tusangaqarfigissallutit!