Ilulissani aasarsiornissaq qanoq isumaqarfigaajuk?

Hotel Hvide Falk Ilulissaniippoq, Albatros Arctic Circle-mik pigineqarluni.

Ilulissat illoqarfiuvoq aasakkut tikerarneqartuartoq.

Illoqarfimmi illoqarfiullu avataani pisuttuartitsisarpugut, umiatsiartitsilluta qajariartortitsillutalu – Tamarmillu Kalaallit Nunaata pinngortitaani kusanarluinnartumi pisarput, aasami unnukkut taarsineq ajortumi, iluliarsuit, arferillu akornanni.

Takornarialeisutut akisussaaffigiumaarpat takornarissanik angallassineq, Ilulissat eqqaani, takornarissat Danmarkiminngaanneerlutillu silarsuup sinneraninngaannersinnaasarput. Takornarialerisutut takornarissanut toqqaannartumik attaveqartarumaarputit, akisussaaffigiumaarlugulu takornarissat nuannersumik angallanneqarnissaat misigisaqarnissaallu. Taamaattumik pisariaqarpoq pisumi eqqummaariffiginnissinnaanissaq, ingerlatitseqqissinnaaneq inuttullu pittaasumik pissuseqarnissaq. Inuit amerlassuut saavanni oqaluttuarsinnaassuutit Kalaallit Nunaat oqaluttuaralugu, Kalaallit oqaluttuaat, pinngortitaq, kalaallillu piorsarsimassusaat pillungu.

Suligaangavit ulluinnatit assigiinngittorujuussapput. Ullut ilaanni nunami qaqqanilu pisuttuartitsinerit pisarumaarput Sermermiut isikkiviliuullugu, ullut ilaanni Ilulissat, Kalaallit Nunaatalu oqaluttuarisaaneri oqaluttuarisarumaarpatit, ullullu ilaanni umiatsiamiissinnaasarumaarlutit akunnerit arlallit, iluliarsuit arferit sermeq iigartartup akornanni.

Guideunerullu saniatigut aamma allanik suliassaqartarumaarpoq assigiinngitsunik, takornarianik angallassinertulli pingaaruteqartigisumik. Soorlu angallassinissamut piareersarnerit, atortunik aserfallatsaaliuineq, takornarissanik atortunillu ingerlassinerit aammattaaq pisiniarfitsinni sulisarumaarlutit.

Ullut qanorsuaq isikkoqaraluarpat, pingaaruteqarpoq sullarissuunissaq, allanngorartunik suliaqarsinnaanissaq aammattaaq pitsaasumik qiilasumillu suliassanut periuseqarnissaq. Kalaallit Nunaanni takornariaqartitsineq allanngoriasaarsinnaasarpoq taamaammat pingaaruteqarpoq piffissap sivikitsut iluani suliassat allanngoriasaarsinnaaneranut piareersimasarnissaq.

Naatsorsuutigaarput pisariaqartillugu ikiuussinnaasarnissat, ataatsimoortitsinissamut suleqatigiit iluanni suliniuteqaqataasarnissat.

Naatsorsuutittalu ilagaat suliassanut akisussaaffimmik tigusilluarsinnaanissat, pitsaasumillu inerneqartitsisinnaanissaq. Sulillutit aallartikkuit erseqqissumik suliassanut ilinniartinneqarumaarputit.

Naatsorsuutigaarput:

• Qallunaatut tuluttullu oqalussinnaanissat, aammattaaq ajoqutaajunnanngilaq oqaatsinik allanik oqalussinnaanissat.
• Kalaallit Nunaat ilisimasaqarfigissavat, Kalaallit oqaluttuassartaat, piorsarsimassusaat, nunattalu pinngortitaa.
• Inuit amerlasuut saavani nuannersumik qanilaartumillu oqaluttuarsinnaanissat
• Pitsaasumik kiffartuussisinnaalluartuunissat, inuillu kiinnerfigilluarsinnaallugit
• Pinartoqartillugu suliassat allanngoriarsaarsinnaaneranut piareersimasuunissat aammattaaq aaqqiissutissaasinnaasunik nassaassarsiorluartuunissat
• Kørekorteqarnissat

Salliunneqassaatit ilinniarsimanermut kursusinullu uppernarsaateqaruit:

• Søsikkerhedsbevis imaluunniit matrositut ilinniagaqaruit
• Guidetut ilinniagaqaruit (soorlu Campus Kujalleq-miit immaqaluunniit Paul Petersens Idrætsinstitut)
• IPP 2 instruktør imaluunniit assigusumik uppernarsaateqaruit
• Immaqaluunniit atorfimmut attuumassuteqartumik ilinniagaqarsimaguit, misilittagaqarlutilluunniit, soorlu kalaallit piorsarsimassusaanut tunngasinnaavoq, oqaluttuarisaaneranut imaluunniit pinngortitaanut

Qulaani allassimasuni ilinniagaqanngikkuit imaluunniit uppernarsaateqanngikkuit suli qinnuteqarnissarnut tikilluaqqusaavutit.

Piffissaq suliffiusussaq:

Maajip naaneraniit oktoberip naanerata tungaanut 2024, ajornanngippat minnerpaamik ullut 90-it atorfinitsitsinermi piffissaliunneqassaaq. Sivisunerusumilli sulisinnaaguit atorfinitsitsinermi salliutineqassaatit.

Atorfinitsitaanermut ilaapput Ilulissat avataani najugaqarsimaguit, atorfininnermi Ilulissanut billetsi, atorfiullu naanerani angerlamut billetsi. Atorfeqarnerullu nalaani najugaqarnissat isumagiumaarparput, najungaqarnermilu akiliutaasartoq annertuneq ajorpoq. Naatsorsuutigineqassaarlu sulisunik allanik ineqateqarnissaq.
 

Atorfik ilinnoortuusorigukku CV-mik aammattaaq motiveret ansøgningimik nassitsigut uunga job@aac.gl allannertalerlugu ”ILU – GUIDE”. Qinnuteqarfissaq kingulleq 15/3 2024, qinnuteqaatillu nassiunneqartut atuallattaarumaarpagut taamaammat qinnuteqaatinik nassiussipallanniarit.

Oqaloqatiginninnissamut aggersaajumaarpugut 30/4 akornanni, martsip naanerani atorfik pisimanerlungu saaffigineqarumaarputit.