300 KILOMETER POLARCIKLILIP AVANNAATA TUNGAANIIT ATAQATIGIISSAARISOORUSUPPIT?
Ataqatigiissaarisunik misilittagalinnik aasaq 2024 suleqatissarsiorpugut
Hotel Hvide Falk Ilulissaniippoq, Albatros Arctic Circle-mik pigineqarluni.
Ilulissat illoqarfiuvoq aasakkut tikerarneqartuartoq.
Illoqarfimmi illoqarfiullu avataani pisuttuartitsisarpugut, umiatsiartitsilluta qajariartortitsillutalu – Tamarmillu Kalaallit Nunaata pinngortitaani kusanarluinnartumi pisarput, aasami unnukkut taarsineq ajortumi, iluliarsuit, arferillu akornanni.
Ataqatigiissaarisutut allaffimmi sulisarumaarputit, periarfissaqarumaarlutilli angalatitsinermi ilaasinnaanissassinnut, ilisimaniassangakku ataqatigissaagassatit qanoq periuuseqarnersut.
Ataqatigiissaarisutut pingaarnertut suliassatit tassaajumaarput pilersaarusiornerit, ullormullu suliassat suliarineqarnersut nakkurtarinissaat, aammalu allaffissornermut tunngasut.
Isumagisarumaarpatit angalatitsinissagut piffissaq eqqorlugu ingerlanneqarnersut, pisussamisullu ingerlanneqarnersut.
Kalaallit Nunaannilu turistbranche allanngorariasaarsinnaasarmat pilersaarutigisaq iluatsinngippat nutaanik pilersaarusiorsimasariaqarneq pisariaqarpoq, tamannalu aporfiginagu suliarisinnaanissaat pingaaruteqarpoq.
Suliassatit allanngorartarsinnaapput piffissap sivikittup iluani, suliassanut allanut saariataarsinnaaneq pingaaruteqarpoq, suliallu amerlasuut ataatsikkut suliarisinnaanissai aamma pingaaruteqarluni. Imaassinnaavoq silap allanngorarnerata angalatitsinissagut pinngittoortikkaat, angalatitsinngittooruttalu takornarialerisut umiatsianilu aquttut attavigisariaqartassagitit, angalasussallu piffissamik nutaamik angalanissaanik isumaqatiginiartussanngorlugit.
Ataqatigiissaarisutut ataqaigiissaarisuussuutit takornarialerisunut, umiatsiani aquttunut, biilertunullu, taamaammat ersarissumik attaveqarsinnaanissaq pingaaruteqarpoq.
Suliffimmi ulapaarfiusumi, suliassat eqqumaariffigilluarlugit suliaqarsinnaasumik ujaasivugut.
Ulloq suliffiusumi suliassarisassatit assigiinngitsut amerlasoorujuusinnaapput. Suliassat assigiinngittut ataatsikkut suliarisinnaasariaqarpatit, ilinnut suleqatinnullu pittaanerpaaq nassaariniartuassallugu.
Naattorsuutigaarput eqeersimaartuusutit, suliassanillu namminersuussisinnaassasutit. Sulillutit aallartikkuit erseqqissumik suliassanut ilinniartinneqarumaarputit.
- Qallunaatut tuluttullu oqalussinnaanissat, aammattaaq ajoqutaanngilaq oqaatsinik allanik oqalussinnaanissat.
- Assigusumik misilittagaqartutit, soorlu takornarialerisutut
- Sungiusimassagit pilersaarusiorneq aammalu suliassat assigiinngittorpassuit ataatsikkut suliarisinnaanissaat
- Ulapaarfiusuni suliatit eqqumaariffigilluarlugit suliaqarsinnaasutit
- Pitsaasumik sullissisinnaasutit ammasuullutit kiinnillaqqissuullutillu
- Aporfinnik isiginak aqqiissutissanik ujaasisinnaanissat, suliarnullu akisussaaffinnik tigusisinnaanissat
- Kørekorteqarnerit
Piffissaq suliffiusussaq:
Maajip naaneraniit oktoberip naanerata tungaanut 2024, ajornanngippat minnerpaamik ullut 90-it atorfinitsitsinermi piffissaliunneqassaaq. Sivisunerusumilli sulisinnaaguit atorfinitsitsinermi salliutineqassaatit.
Atorfinitsitaanermut ilaapput Ilulissat avataani najugaqarsimaguit, atorfininnermi Ilulissanut billetsi, atorfiullu naanerani angerlamut billetsi. Atorfeqarnerullu nalaani najugaqarnissat isumagiumaarparput, najungaqarnermilu akiliutaasartoq annertuneq ajorpoq. Naatsorsuutigineqassaarlu sulisunik allanik ineqateqarnissaq.
Atorfik ilinnoortuusorigukku CV-mik aammattaaq motiveret ansøgningimik nassitsigut uunga job@aac.gl allannertalerlugu ”ILU – KOORDINATOR”. Qinnuteqarfissaq kingulleq 15/3 2024, qinnuteqaatillu nassiunneqartut atuallattaarumaarpagut taamaammat qinnuteqaatinik nassiussipallagit.
Oqaloqatiginninnissamut aggersaasarumaarpugut 30/4 2024 akornanni, martsip naanerani atorfik pisimanerlugu saaffigineqarumaarputit.